المبتعثة المتزوجة vs. المبتعثة العزوبية

من زمان ماكتبت عن الابتعاث شي بس الفترة الاخيرة اتكرر موضوع النقاش بيني وبين زميلاتي على الفرق بين المبتعثة المتزوجة والمبتعثة العزوبية..

المبتعثة المتزوجة غالباّ او على الاقل في تجربتي تحب تقارن نفسها بالعزوبية في سرعة الانجاز..؟؟

طيب انتي عندك مسؤوليات غير الدراسة فليش تربطي نفسك او تقارني نفسك بالعزوبية الي غالباَ ماعندها غير دراستها؟؟

يعني العزوبية تقدر تنام وتصحى وماتاكل او ماتطبخ او او في اي وقت في اليوم، لكن انتي عزيزتي مرتبطة بزوج او اطفال ممكن لازم تلتزمي باحتياجاتهم وان كان اغلب الرجال دحين بيساعدو في دي المسؤوليات.. فليش تربطي نفسك وتقرفي غيرك؟

يعني ليش تزعلي من العزوبية لما تقولك لا انا ابغا اخرج في النهار وازاكر في الليل؟ طيب كل واحد كمان ليه اوقاته المناسبه الي يبغى ينجز فيها شي او اخر.

والموضوع المستفز اكتر، هوا المقارنات!!! ليش تقارني نفسك وظروفك وقدراتك بآي شخص اخر؟؟

ليش ماتستقلي بنفسك وطريقتك؟ هل لاننا غالبا شعب اتكالي؟

طيب العزوبية دي المسكينه تحسبي انه مانفسها تتكل على احد حتى لو اتكال معنوي في غسيل وطبخ ونفخ؟ بس هل بتشتكي زيك؟ غالباَ لا.. طيب ليش بتتزوجو وتدرسو اذا انتو مش قد المسؤولية؟

طبعا مش تقليل من قدر احد، لكن احيان الموضوع يكون مزعج من كتر الاصرار او المقارنات..

عزيزتي المتزوجة، احنا مقدرين مجهوداتك لكن رجاء راعي ظروفنا واختلافاتها..

رتبو اولوياتكم، اتعلمو عن ادارة الوقت والازمات عشان لاتتعبو او تتعبو احد معاكم.. كل واحد فيه الي مكفيه

 

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s