العقاب السلوكي

العقاب وما ادراك مالعقاب 😁
مو عقاب امي وامك بالعلاليق والشباشب وووو 😰😝
المهم العقاب هوا: نتيجة متابعة للسلوك الغير مرغوب فيه والي فرص انه يتكرر في المستقبل حتقل..
العقاب الإيجابي: اضافة نتيجة سلبية بعد حدوث السلوك الغير مرغوب فيه..
مثال: اطفال بيلعبو، طفل ١ ياخد اللعبة من طفل ٢ بالقوة.. طفل ٢ يبكي، فالطفل ١ يعاقب في ركن المشاغبين.. النتيجة السلبية هنا انه الطفل يروح لركن المشاغبين او ال naughty chair/corner والسلوك الغير مرغوب فيه هوا استخدام القوة في اخد اللعبة..
مثال تاني: المخالفات المرورية مثلاً، تعتبر عقاب ايجابي لانك بتخفف السرعه عشان تتفادى المخالفة..
مثال كمان: طفل مثلاً يتفل او يلعب في خشمه ( ودا شايع ومنتشر بين الاطفال )، فالاستاذ او الاستاذه تخاصمه قدام اصحابه وتقوله انه دا الشي فيه قرف ونقل جراثيم وو ( فيقل السلوك )..
اعتقد كمان انه الاب مثلاً يخلي الولد يسدد مخالفة السرعة الي اتسبب فيها من مصروفه  عشان يقدر يسوق السياره تاني قبل ما تتدبل المخالفة 😁
العقاب السلبي: ازالة شي محبب بعد حدوث سلوك غير محبب ودا الي الكل بيستخدمه عادة بدون تفكير 😈
مثال: سحب مفتاح السيارة من الولد الي يسرع ويجيب مخالفات سرعة لابوه 😝😁
سحب الجوال من البنت الي تجيب فواتير عالية للجوال 😊😁
( عشان المساواة بس ومابمزح )
تقليل عدد ساعات التلفزيون او الايباد او الفديو قيمز للطفل الي يجيب درجات واطية في اي مادة..
سحب لعبة مفضلة من الطفل لما يتضارب مع اخوانه او اقاربه..
فهنا لازم يكون السحب لشي الطفل يحبو، يعني مو الطفل مثلاً مايحب الشوكلاته تقوم الام تحرمه منها لانه كسر العابه، هنا السلوك ماراح يتغير لانه في كل الاحوال ماخسر شي يحبه.. لازم شي يحبه الطفل مره ..
فالتحفيز دايماً تعطي شي سواء سلبي او ايجابي، عشان يزيد السلوك الي تبغاه..
والعقاب دايماً يكون بسحب مسبب السلوك السيء سواء سلبي او ايجابي..
Twitter: @ShaymaOmar
Ask: ask.fm/ShaymaOmar
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s