اول تجربة في معبد يهودي

قررنا نروح معبد يهودي عشان نعرف الإختلافات بين الأديان وكنا مجموعة تتكون من ٤ أشخاص..

٢ مسلمين من مذهبين مختلفه، بوذي، ومسيحية..

قبل ما اكمل اعذروني لو في اشياء ماكتبتها باساميها الصحيحة لانه ماعندي اي معلومة عن الدين اليهودي للاسف ..

أول مادخلنا سألونا من فين وليش احنا هنا واذا كانت اول تجربة لينا.. واعطونا جدول العبادات وكتب توعوية ..

اول مادخلنا صالة العبادة كانت في موسيقى دينية والناس بترقص في مجموعة كبيرة ومكونين حلقة دائرية..

الكل رحب بينا وماحسينا بنظرات استغراب ابداً بالعكس..

الرقصات كان فيها نوع من الرقص الصوفي بس بدون دوران، ويمكن التشابه الي حسيته كان في حركات اليد نوعاً ما..

الديكورات بسيطه جداً.. صالة مستطيلة فيها كراسي زي نظام الطيارة (٣-٦-٣) والجدار ابيض وفي صور واسماء لأشخاص ما أعرفهم

Asher
Gad
Benjamin
Joseph

واسمين ماقدرت اقرأهم لانهم كانو بعيدين .. بالاضافة للنجمة السداسية .. رائحة المعبد حلوة وخفيفة ..

مافي dress code معين او واضح غير كوافي الرجال وان اغلب السيدات لابسين تنانيير طويلة او قصيرة بس البوت مغطي اغلب ساقهم.. وقت الصلاة السيدات غطو شعورهم والرجال حطو زي السكارف على كتوفهم وماعرفت ليش..

الاحساس كان مافيه روحانية زي روحانية الكنيسة الكاثوليكية الي دخلتها قبل كدا..

بدأ البرنامج بدعاء والكل وقف وكانت مدته حوالي ٢٠ دقيقة.. وكان يتخلله زي الشعر الغنائي .. صلاتهم مافيها ركوع زي المسلمين والمسولا سجود .. بس كانو ينحنو انحنائه بسيطه في مواقع معينة مافهمتها..
بعدين اعطونا بريك نسلم على بعض ونقول shabbat shalom الي تعني سبت مبارك تقريباً مع انه شالوم تعني سلام..

بعدين رجعو يغنو او ينشدو اغاني دينية ويرقصو في دائرة كان فيها رجال ونساء واطفال.. وبعدها اغنية تانيه وكانت بس رجالوقريبة من الدبكة واظن فيها زي الحضرة ..

كانو في جنسيات مختلفة بس الاغلب من وسط وجنوب امريكا وامريكان افارقة ..

بعدين غنو اغنية يدورو فيها النساء والرجال في الصالة كاملة وبعدين يرجعو يختمو الرقصة في دائرة ويكلمو الدعاء..

قالو دعاء او اي بالانجليزي والاسپاني وبعدين بدأو يدورو بنسخه نادره بالتوراه في صندوق مزين والناس يتباركو فيها..

وقبل مانخرج كان في زي حصة تفسير للايات..

التجربة كانت مره حلوه وغريبة وعرفتني على اشياء ماكنت اعرفها ..

انصح بيها للكل من باب العلم والتعلم ..

وشكر خاص لصاحب الفكرة البطلة ✌️

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s