الكمال لله ياناااس

طبعاً الفترة الأخيرة لاحظنا تغييرت كثيرة في المجتمع من ضمنها تعليم وابتعاث المرأة وعمل المرأة وعقبال سواقتها ان شاء الله…

بالمقابل، بدأت تطلع الكلاكيع الي في قلوب ضعاف النفوس من ابناء المجتمع .. من ضمن دي الكلاكيع:

البنات
اوه ياحظك بتشتغلي في شركة مختلطة وبتتعلمي اساسيات التعامل مع الجنس الاخر
اوه ياحظك مدرسة راتبك شي وشويات
اوه ياحظك مبتعثة وتسوقي وعايشه حياتك بالطول بالعرض ( دي ارسلولي هيا تشوف كمية واجباتي والحياة الجميلة الي عايشتها)
وغير وغير

الشباب ومو لأني ضدهم في شي بس دي ملاحظاتي
اوه موظفة في شركة مختلطة واكيد عندها زملاء ( عاى اساس هوا شريف مكة وشغال في الصحراء مع تماسيح بس)
اوه دكتورة/مدرسة راتبها اعلى مني حتجي يوم تبيعني او تنقص من قدري لاني مو قادر اصرف عليها كويس
اوه مبتعثة، مفلوته، تركت مبادئها، نسيت دينها، وفوق دا كلو خالفت دينها وراحت بلاد الكفار

الجنسين سوا
تستاهل ماجاها من شغلها في دي الشركة محد يبغاها ولا احد يبغا يتزوجها
تستاهل دكتورة تسهر طول الليل وتبات بره البيت وكمان اختلاط واعيبااااه
تستاهل مبتعثة وبتتعرض لتحرش او لمواقف عنصرية هيا الي جابته لنفسها كان جلست وخللت في البلد!!

طبعاً الجلطة ممكن تكون لو مبتعثين ويقولو الكلام دا بس دا موضوع تاني راح اكتب عنه بعدين في يومٍ ما ..

ايش السبب الرئيسي للكلام دا كلو غير التربية والتعليم العنصري الي يفرق بين الجنسين؟

السبب يا اعزائي هوا لأنهم ماقدرو يوصلو للي الشخص المُتكلم عنه وصله فلازم يطلعو فيه العيوب السبعة ..

طبعاً غير الامراض النفسية الي بسبب مجتمعنا المتحفظ حرمه انه او انها تروح تتعالج منها فبيطلعو بلاهم على غيرهم ..

في الأخير كل الي اقدر اقوله انه لكل مجتهد نصيب، محد وصل للي وصله الا بمجهوده ..
وحرام نكون في نهاية ٢٠١٤ ومانعرف الفرق بين المباديء والعادات والإندماج الثقافي والحضاري ..
وحرام انه عندنا لك مصادر الإطلاع والتطوير ولسه نقلل في غيرنا مع اننا نقدر نصير زيهم ..

وعلى قول ماما لما تنصحني : ” ربنا يقول اسعى ياعبدي وانا اسعى معاك، مافي شي حيجيكي على طبق من دهب حتى الي عندهم اطباق الدهب مابتجيهم كل الاشياء بسهولة ولو جاتهم ماحيحسو بقيمتها”

اتقبل تعليقاتكم وارائكم على تويتر او في المدونة
Twitter: @ShaymaOmar

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s